محمد الاسيوطى, 27 عاماً - أسيوط, مصر

6/14/2011 10:18:36 AM - المشاهدات (2034) - أضف تعليق على هذه المشاركة

انا شاب مصرى عادى من أسيوط مركز القوصية لكن بادرس فى جامعة الازهر بالقاهرة انا قبل المظاهرات بفترة كنت خلصت امتحانات ورحت نازل البلد مع ان زمايلى وانا كنا عرفين بان الثورة هتقوم عن طريق الفيس بوك انا عن نفسى كنت عامل ان مظاهرات مش هتغير حاجة وخصوصا ان الشرطة ابتعتنا ولاد تيت والجيش ملهوش سلطات وده من عمايل حسنى المهم انا كان لازم انزل كان اديلى فكرة منزلتش لاكن فى بعض زمايلى قعدو هناك وخصوصا واحد صديقى تبع حركة 6 دة من اول يوم وهو هناك.

انا اول ما بدات المظاهرات كنت عاوز ارجع القاهرة تانى لكن اتمنعت من الاهل فى البلد لكن بحلول يوم 28 صممت وكنت نازل لكن هنا اتظلم كل شباب الصعيد فحركة القطارات توقفت ومفيش حد عرف يروح القاهرة غير اللي كانو هناك واحب اقول ان الثورة مكنتش فى القاهرة بس ولا الاسكندرية والسويس بس دى كانت فى مصر كلها وانا عن نفسى طلعت مظاهرات مدينتنا وعلى فكرة مدينتنا المدينة الوحيدة اللي جت اخبارها على قناه العربية من شدة المظاهرات بها وانا اعتبر نفسى مع انى شاركت معملتش اى حاجة العمل صحيح اللي استشهد وللي فقد ولدو واخوه فى الثورة وها دول اللي يستحقوا التقدير.

اكمل كلامى بقى انا بعد ما الدراسة بدات ورحنا الجامعة طبعا الشرطة خلعت عملنا لجان وكنا بنبيت فى الجامعة علشان السرقة والبعض كان لجان مرور للداخل الجامعة بس انا اكتر حاجة زعلتنى الظلم اللي وقع على الصعايدة علما بانهم اكتر ناس كانو فى التحرير وهما اللي كانو بيبيتو بعد ما اهل القاهرة اخر اليوم يروحو بيوتهم والله دة كان بيحصل وكمان المظاهرات اللي كانت فى الصعيد مكنش فى تغطية والوم مش على حد غير النظام السابق اللي عزلنا عن العالم واحب اعرفكم اننا الصعايدة اول ناس اتظلمنا من النظام السابق فمحافظات الصعيد اول محافظات اقيم فيها حظر التجوال وكان حظر خظر وكان دة ايام الارهاب لاكن ربنا مع مصر والمصريين والجاى احسن ان شاء الله

Bookmark and Share

التعليقات على صعيدى وأفتخر

هذه المشاركة لا تحتوي على تعليقات.

كن أول شخص وأضف تعليق على هذه المشاركة الآن!

أضف تعليق على هذه المشاركة

تابع وشارك ثورة 25 يناير على صفحتك في فيسبوك وتويتر الآن: