محمود جابر, 30 عاماً - الدقهلية, مصر

6/16/2011 12:39:31 AM - المشاهدات (2245) - التعليقات (1)

نزلت انا واصحابى وخططنا لنزول يوم 25 للاحتجاج ضد الشرطه، وفضلنا فى الميدان، الساعه 2 دخلت الشرطه وانضربنا .. كنا بنجرى من القوه المفرطه .. وكلنا اليوم التانى يوم الأربعاء كلنا رحنا لمجلس الشعب نهتف .. اليوم التالى 27 يوم الخميس اعتقل من اصحابى تسعه .. يوم 28 خططنا النزول كل الى يعرفنا طلبنا انه ينزل وكل يعرف اللى حصل يوم 28 .. يومها استشهد صحبى احمد على ايدى من بلد شهى تابعه للمنصوره ومن يومها وانا فى الميدان .. كنت كل يومين انزل وارجع اجيب اكل ليه واصحابى.

وعدى عليه يوم الأربعاء 2 فبراير الموقعه التى كنا فيها ايد جامده اللى يكسر الطوب اللى يجيب الطوب واللى يزقل الطوب الى ان رحل الطاغيه واحنى دلوقت لسه على العهد؛ انا واصحابى على ان نخلى بلادنا اجمل، وعلى احنى واصحابى الداعيين الى جمعه الغضب التانيه.

Bookmark and Share

التعليقات على من شباب مصر

dina

انا بجد بشكر كل الناس ال شاركوا في ثورة ٢٥يناير بس انا زعلانة جدا انى مشتركتش فيها بس بردوة انا مش زعلانة عشان ال كانوا في الثورة شباب رجالة قدروا يصدوا الفساد وانا كنت متابعة اخبار الثورة من الجزيرة وغيرها بس معرفتش اتابع من ع النت عشان كانوا بيفصلوا النت وانا كنت عايشة في رعب انا واخواتى لان السجن كان جانبنا وكنا بنسمع ضرب نار

أضيف بواسطة: دينا محمد عميرة | 17/6/2011

أضف تعليق على هذه المشاركة

تابع وشارك ثورة 25 يناير على صفحتك في فيسبوك وتويتر الآن: