yasmine - الإسكندرية, مصر

6/17/2011 2:48:12 AM - المشاهدات (2321) - التعليقات (4)

انا من اسكندريه كنت بتابع النت والفيس بوك وكنت من مشتركى صفحه خالد سعيد , فوقت وعرفت اننا اقل من الحشره فى بلدنا حسيت ان الظلم مالى البلد قررت انزل مع الوقفات بعد مقتل خالد سعيد بكيت واتأثرت.

ليه ؟؟ ليه بلدنا مابقتش بلدنا كان كل اللى بيراودنى ان انا لازم اسيب البلد دى بجد كرهتتها بس لما عرفت بـ يوم 25 يناير قولت ايه هيتغير , بس بعد اللى حصل اليوم ده قررت انزل واقول انا موجوده فى بلدى وعايزه احس بأدميتى واقول بأعلى صوتى كـفـايـه بقى ارحلو وارحمونا مش المفروض ده يكون مصير مصر.

وبعد احداث 28 يناير ماكنتش بنام كنت هاموت نفسى عايزه انزل من البيت عايزا اموت شهيدا عايزا احس انى ممكن اعمل حاجه للناس المطحونه عايززين نغير من البلد لكن للاسف لانى بنت اهلى رفضو تماما فكره انى انزل بس انا اقسم بالله كنت مابنمش .. اعدا قدام القنوات الفضائيه مش هاقول القنوات الارضيه انا حسيت انى ولا حاجه ساعتها فاعملت اعتصام فى قلب البيت وكنت متابعه وبكيت بدل المره مليوون وكانت فكره الانتحار بتراودنى عايزا انزل عايزا احس بطعم الحريه بس انا حسيت بيها بعد خطاب التنحى بس مافيش ثوره بلا خسائر واحنا خسرنا شباب من خيرة شباب مصر بس هما ماتو علشان مصر علشان نحس بالحريه
واحنا لازم نحافظ على التمن الغالى اللى دفعوه علشان نرجع كرامتنا ومصريتنا.

ومازلت الثوره مستمره الى ان تستقر مصر داخليا
وهنتغير للاحسن ومصر هتكون اعظم بلد فى العالم مصر مهد الحضارات والثقافات , ربنا يحمى مصر ويحمى شبابها وناسها كان نفسى اشارك فى الثوره بس انا هشارك فى تغير مصر للاحسن علشان شهدائنا اللى قدموا ارواحهم فدا للوطن ولينا , بحبك يمصر وهفضل اغير فيكى للاحسن بس هبدأ بنفسى الاول.
بحبك يا بلدى

Bookmark and Share

التعليقات على قلبى كان فى التحرير

تحيا مصر

ربنا يحمي شبابك يا مصر

أضيف بواسطة: حريه | 28/6/2011

شباب وبنات مصر

بجد انتى مصرية على حق وبتحبي بلدك بجد

أضيف بواسطة: medo | 19/6/2011

شارع شهاب

الله يخليكي

أضيف بواسطة: محمد | 17/6/2011

شارع شهاب

الله اكبر

أضيف بواسطة: محمد | 17/6/2011

أضف تعليق على هذه المشاركة

تابع وشارك ثورة 25 يناير على صفحتك في فيسبوك وتويتر الآن: