أمين محمد أمين أبو النجا, 43 عاماً - القليوبية, مصر

6/21/2011 7:45:46 PM - المشاهدات (2133) - التعليقات (1)

أعتقد أن هذه الثورة تسمى بامتياز الثورة الطفولية البريئة لماذا طفولية أنا في رأيي أن ثورة تونس ونبأ هروب زين العابدين بن على زرع في نفوس الشباب المصريين رغبة طفولية جامحة نحو التحرر بالظبط زي ما اخوك وانتو صغيرين باباك اشترى له بدلة ظابط وانت مفيش مقاسك فتقول اشمعنى انا لأ بكل براءة بغض النظر عن فيه مقاسك ولا لأ أنا عايز زيه مليش دعوة برغم تأكيدات الأباطرة الفاسدين في مصر أن مصر مش زي تونس لكن كل المؤشرات كانت في الفيس بتقول ان الطفل البريءفي روحه العملاق في جسمه خلاص مش هيقبل بالظلم تاني.

باختصار أنا كنت طبعا مشارك على الفيس الدعوات الموجودة وباشجع على النزول وكنت باجهز نفسي بكل التجهيزات اللي قال لنا هليها العقيد عمر عفيفي اللي لعب دور كبير في تحفيز الناس من خلال فيديوهاته اللي كانت على اليوتيوب فنزلت يوم 25 ومكنتش عارف أروح فين بالظبط فقلت أركب أتوبيس من عندنا من شبرا الخيمة بيروح بولاق الدكرور بيلف القاهرة كلها تقريبا وركبت الساعة 1:45 تقريبا وكنت بادور على أي مظاهرة لغاية وأنا قبل الخازندارة في شارع شبر لقيت الظريق واقف قلت يا مسهل سألت واحد من الناس الغلابة اللي النظام مخلالوش أي وقت الا بس يجيب الأكل والشرب بالضالين هو فيه إيه قال لي مظاهرات يا عم عالم فاضية فنزلت زي العاشق الولهان اللي شاف حبيبته بعد فراق ولقيت نفسي باردد مع المتظاهرين الشعارات ارحل الشعب يريد اسقاط النظام وعلى فكرة الشعار ده كان من أول يوم في الثورة مجاش بعدين يا جماعة الشعب نازل المظاهرات ده وهو في باله يسقط النظام زي تونس بالظبط على طريقة اشمعنى تونس.

الشرطة كانت في اليوم ده في البداية متمالكة أعصابها بامتياز لمدة ساعة ونص لكن بعد العصر بدأ الغباء المعروف بالعنف الأعمى اللي كان له تأثير كبير في نجاح الثورة المظاهرات خفت في دوران شبرا فقررت أروح التحرير بالمترو لكن كنت تعبان جدا لأني مش واخد على المظاهرات كانت أول مرة أمشي في مظاهرة.

باختصار في اليومين التاليين كنت باروح كل يوم أماكن مختلفة أدور على مظاهرة كده ولا حاجة لغاية ماجه يوم الجمعة وقطعوا النت والتليفون لكن أيه لازمة النت والتليفون خلاص كل حاجة كانت متظبطة وكله عارف هيعمل أيه لكن المشكلة نروج فين...

رحنا صلينا في مسجد كبير في شبرا الخيمة اسمه المجمع والخطيب كالعادة قعد يحذر من الفتنة والخروج وبعد الجمعة فقدت الأمل أنا واخويا اننا نلاقي حد يخرج معانا لغاية لما لقيت بعض الشباب اتجمعوا وبشكل لا إرادي اتحمع العشرات والمئات وقعدنا نلف في الشوراع الضيقة برضه أخذا بنصيحة العقيد عمر عفيقي لغاية لما طلعنا كوبري عرابي بابص ورانا لقيت الالاف بتسد عين الشمس وعرفت انها ثورة وعرفت ان الفيل تحرك أخيرا وكعادة الفيل ربما يتحرك قليلا لكن إذا تحرك فإنه يحطم كل شئ وقد كان.

Bookmark and Share

التعليقات على ثورة الطفولة البريئة

حلم

اعتقد يا اخي ان شهادتك هي اهم وصف لما حدث في مصر و في المنطقة العربية كلها. اكثرنا لم يتابع الثورة التونسية لاننا قرفنا مشاهد القتل والتنكيل و الجمود و الخنوع.اكثرنا كان يدعوا لهم بالنجاة من انتقام النظام لاننا ظننا استحالة زواله. لكن رحيل بن علي افاقنا,قدرة التونسيين على الحلم و على الرفض هزتنا, انتفاضتهم لموت شاب فقير منهم استصرخت الكرامة فينا و صرنا نتسائل : ليش مو نحنا؟ انا تابعت الثورة المصرية بكل حذافيرها و فيديوهاتها و في الايام الاولى كنت اشاهد فيديو مجموعة صغيرة من الناس تجوب الشارع تهتف لوحدها .لكني كنت ارى في هذه المجموعة الرجل المدني و الصعيدي و المراءة المحجبة و التي من غير حجاب . كنت اصلي ,كنت ابكي و كنت احلم. اليوم ابارك لكم بحلمكم و ببلدكم و ادعو ابناء بلدي سوريا للحلم معي . اقول لهم الثورة يصنعها الحالمون و يستفاد منها الجميع اقول لهم لن يعود المارد للقمقم و لن نقبل باقل من الكرامة. عاشت تونس الكرامة عاشت مصر ام الدنيا عاش الاحرار في ليبيا و ايمن و عاشت سورية حرة الله سورية حرية و بس

أضيف بواسطة: نيللي | 15/7/2011

أضف تعليق على هذه المشاركة

تابع وشارك ثورة 25 يناير على صفحتك في فيسبوك وتويتر الآن:

Most Popular Tags

عيد الطفولة بعد ثورة 25 يناير

,

طفولة 25 يناير

, حقوق الطفل فى زى ثورة 25 يناير, ثورة الطفولة المصرية, اغنية الطفل البريِءة, اثر ثورة 25 يناير فى نفوس الشباب,

الثورة والطفولة

,

تأثير الثورة الأطفال

,

الطفوله وثورة 25 يناير

,

اثر ثورة 25 علي نفوس الاطفال

,

اشمعنى تونس

,

صور طفولة سورية بريئة في الثورة

,

دور اغانى الثورة فى تحفيز الشباب

,

امين ابوالنجا

,

الطفولة تونسية والثورة

,

حقوق الطفل وتاثيره فى ثوره 25 يناير

,

ثوره 25 يناير وتأثيرها علي الاطفال المصريين

,

دور الاطفال فى ثورة 25 يناير

,

مصر مش زى تونس

,

الطفولة البريئة

,

عيد الطفولة-ثورة25 يناير

,

دور الأطفال في الثورة المصرية

,

ثورة 25 والطفولة

,

الطفولة و ثورة 25 يناير

,

صور الطفولة و الثورة فى تونس

,

الحقوق الطفولية فى ثورة 25 يناير

,

صورالشهداء بولاق الدكرور فىالثورة

,

الطفولة وثورة 25 يناير

,

الطفولة- 25 يناير

,

حق الطفل فى ثورة25 يناير

,

الطفولة والثورة

,

ثورة الطفولة

,

الطفولة بعد ثورة 25

,

الطفوله بعد ثورة 25 يناير

,

حق لطفوله فى ثورة 25يناير

,

عيد الطفولة فى مصر بعد ثورة 25 يناير

,