ايهاب - القاهرة, مصر

7/7/2011 2:56:40 PM - المشاهدات (3297) - التعليقات (1)

بسم الله الرحمن الرحيم اولا الحمد لله انا شاب عمرى33 سنها او كنت شاب - من صغرى وانا اسمع اهلى ومن حولى يتكلمون عن مبادىء مثل العدل والحق لكن لما ابتديت اتعرف على بلدى لقيت مفيش الكلام ده وبجد ابتديت اكره بلدى ظلم وكدب فى كل حاجه اهانة الواحد عشان ملوش ظهر افتكر اول مره دخلت قسم وكانت فى مشاجره مع احد الجيران وكنت فاكر ان فى عدل يعنى هنروح القسم يعمل محضر واحنا نعمل محضر لكن عشان هما ناس وصله او يعنى معاهم.

محضرى اتقطع واضربت وكان سنى 16 سنه وصدمت ومسبونيش اللى ماتحبست وخرجت واحد تانى كاره كل حاجه وكل يوم كرهى يزيد للنظام اشوف الحرامى الناس تقوله ياباشا حاجه تجنن وبتاع ربنا ارهابى واللى عايز ينتحر مدمن والمظلوم مجرم انا جالى فيرس سى من النظام ابى وجدى وابن بنت عمتى جالهم ورم خبيث لحد دلوقتى لم اعمل وطبعا ولم اتزوج تشوفنا تقوال عندى 60 سنه من الهم والغم كانوا عايزنا شعب مغيب انا من زمان كاره اللى بيحصل ويوم 25 كنت فى البيت وكان نفسى انزل بس بصراحه كنت خايف من انى اتمسك اروح ورا الشمس بس كنت بقوال لمن حوالى الناس ده على حق.

ولما لقيت الناس بتقؤل ان الثوار بياخدو فلوس وكنتاكى مصدقتش وذهبت الى التحرير فى اليوم قبل موقعة الجمل ولقيت اخواتى يعنى ناس عاديه من شعب مصر وطبعا ولاكنتاكى ولا يورو ورجعت اقوال للناس ان الكلام ده كدب احنا مهما كان مش هانشوف اسود من التلاتين سنه اللى فاته والحمد لله ان الواحد شاف اليوم ده.

Bookmark and Share

التعليقات على سقوط الظلم

ra2e33333

مقال جميل أوي و لخص كل إل 30 سنة في كم سطر!!!!

أضيف بواسطة: masreya | 24/7/2011

أضف تعليق على هذه المشاركة

تابع وشارك ثورة 25 يناير على صفحتك في فيسبوك وتويتر الآن: