اسماعيل حسن, 27 عاماً - الجيزة, مصر

4/24/2012 2:28:26 AM - المشاهدات (1154) - أضف تعليق على هذه المشاركة

اسمي - اسماعيل حسن
23 سنه من الكيت كات
كنت في البيت و فجأه طلعنا من صلاة الجمعه لقينا الشرطه بتضرب الناس بالقنابل المسيله للدموع و رموا قنابل مسيلة للدموع في الجامع و احنا بنصلي العصر كنا بندعي عليهم
المهم :- خرجنا من المسجد و طلعت البيت وشوفت مناظر رهيبه لو واحد يهودي مكنش هيسكت علي كده و هو ان الاقي اطفال صغيره جدا ما تعديش عمرها "كام شهر" مصابيين باختناق شديد و في حالة اغماء و الناس بتصوت ،، مع اني مش بحب المشاكل بس لقيت نفسي بقيت شخص تاني و روحت جايب صندوق بيبسي زجاجات فارغه كان عندنا و طلعت من البلكونه و قعدت احدف عليهم ومكنش في حد غيري بيضرب و فجأه عسكري امن مركزي رمي علي البيت عندنا قنبلة مسيلة للدموع و التي كانت مشتعله و نزلت في البلكونه علي الستاير عندنا و لعت الشقه و عند البوتجاز و كنا كلنا هنموت > بس ربنا سترها معايا و انا مش شايف و مش قادر أعمل حاجه من الاختناق لقيت حاجه خلتني اجيب ماية و ارش في الشقه و الحريق اتطفي لوحده ،، بجد لولا فضل ربنا مكنتش هكتب المشاركه ديه و كنت هكون من ضمن الشهداء و ده هيكون شرف ليا ،، بس شاء الله و ما قدر فعل ... الحمد لله علي كل شئ و ان شاء الله اللي جي افضل

Bookmark and Share

التعليقات على الشقة بتعتي الشرطه ولعتها ،، و اصابوا الاطفال

هذه المشاركة لا تحتوي على تعليقات.

كن أول شخص وأضف تعليق على هذه المشاركة الآن!

أضف تعليق على هذه المشاركة

تابع وشارك ثورة 25 يناير على صفحتك في فيسبوك وتويتر الآن: