هؤلاء هم شباب ثورة 25 يناير، الذين قاوموا الظلم والفساد وحاربو الاستبداد. هؤلاء هم الذين فدوا الوطن بأنفسهم واموالهم وابنائهم طلبا للحرية. هؤلاء هم اصحاب ثورة 25 يناير المجيدة والذين كلل الله جهودهم وتعبهم بالنجاح والسداد. إن هدفنا في موقع ثورة 25 يناير أن تحتوي هذه الصفحة على خمسة ملايين مشترك ممن شاركوا في ثورة يناير. أكتب كيف شاركت في الثورة وأضف اسمك لهؤلاء الثوار الآن.
المشاركات من 21 إلى 30 (من 191 إجمالي)

رجب المصرى - مصر

2/14/2012 5:22:00 PM

والله حلمت بها ولكن عندمايفيض الكيل ويحدث التوريث ولكن الله اراد شيئا اخر وقد كان وخرجنا جميعنا يوم الامل يوم مولد الفجر الجديد بوم 11/2/2011 والله لقد اغمى علينا من الفرحه وسمعت الخطاب من على تليفونى انا واكثر من500 سكندرى ونحن نكبر الله اكبر الله اكبر والعزة لله ولمصرنا العزيزه

اسامة جلال عويضة - مصر

2/13/2012 5:51:30 PM

عنوانى هو الحمد لله وحده الذى جعلنى فى اول يوم احمل اول سماعة كبيرة فى التحرير يتحدث فيها كل الرموز وكل الهتافات الجميلة التى تلهب المشاعر ..وكنت اول من صفق له الناس مرتين الاولى عندما اكتشفت ان الامن المندس بيننا يريدنا ان نترك الميدان بحجة ان هناك اخرين لا يستطيعون الوصول الينا فخطبت فى الناس وقولت اننا فى اهم ميدان فى مصر ولن نتركه ابدا والاخرين ياتون الينا..وكان صراع كبير بينى وبين المندسين لاقناع الناس وكادوا يفلحوا بعد تحرك الناس لخارج الميدان..لكن بفضل الله رجعتهم تانى بالميكرفون المرة التانية عندما حاول البعض استخدام عنف..فهتفت سلمية وقولت يجب الا نعطى الامن اى مبرر لاستخدام العنف لان دا هيشجع الناس تنزل بكرة وصفق الناس فى الحالتين..دا كان بعد العصر

خالد علام - مصر

2/11/2012 12:08:28 AM

يوم كنت انتظره من زمان خرجت كان كل همى مستقبل اولادى اللى هومستقبل مصرصليت الجمعة فى جامع الفتح بعدهاخرجنا للشارع وسط حصار من الامن المركزى فى حدود 150م كان يوم مليان بالكر والفر والدخان والخل حتى انسحاب الشرطة تخللهاصلاة العصراحساس رهيب وانت بتصلى على الاسفلت وسط شارع رمسيس ونزلنا فى اتجاه ميدان التحرير البشر من كل اتجاه من الشوارع من فوق الكبارى صلاة مغرب مجموعات فى اى مكان شارع رصيف وبرضه دخان شويةصلاة العشاء نفس المنظر بالتمام كان فعلا يوم حج حتى رمى الجمرات قصدى الطوب لحدنزول الجيش اللى كان فى البداية خدعة وامداد للداخلية ودهس للمتظاهرين

ياسر عبد السلام اسماعيل - مصر

1/29/2012 7:04:15 PM

نحن شاب مصري فخور جدا اني شاركت في هذه الثوره بوم الجمعة التي سميت بجمعة الغضب . سافرت من مركز كفر صقر شرقيه بوم الخميس الموافق 27/1/2011 الي القاهره وكانت الساعه تقريبا التاسعه مساءا ووصلت الي احد اقاربي في المعادي وكانت مصر كلها تستعد لتفقد بعض ابنائها من اجل الحرية والكرامة ونمت وحدي في شقه في الدور 14 ويوم الجمعة ونزلت اصلي وبعد الصلاه وكان الهدوء قبل العاصفه وخرجنا وركبت المترو وكلما اقتربت من محطة السادات كان دخان المسيل للدموع كانت تزيد ولم يقف المترو في السادات (التحرير) ونزلت في المحطة التاليه وفوجئت ان المترو اغلبه نازل يشارك واصبحنا في فر وقر مع الامن وكان في هذا الوقت قسم السيده قد ابيد من شباب الثوره لان كان هناك ضرب نار حي واستشهد بنت وخمس شبان واصبح لهيب النار يساعد شباب الثوره والشباب اصبح يتجمع علشان يتجه الي ميدان النحرير وهناك كانت معركه امام وزارة الدخليه والشباب وتجهت الي المتحف لأكون درع واقي مع الشباب الطاهر لنحمي تراثنا وتراث اجدادنا ثم اتجهت الي نقابة المحامين وكانو بمثابة شعلت حماس للشباب للأستمرار وبمطالبة الحقوق المشروعة التي تسرقها الحكوهة وبعدها ذهبت الي نقابة الصحفيين ورايت شباب وتعرفنا علي بعضنا ورايت معهم اشياء من مخلفات الامن المركزي وكانت عباره عن درع وخوزه وعصايه وكان معب بعض الغديوهات علي الموبيل ولكن زوجتي حزفتهم زكانت مش مصدقه ان النظام قد وقع وكانت تقول انا خايفه يرجع تاني وتروح السجن قلت لها نروح احسن وتفضل كرمتنا وعند التنحي كان الميدان مش مصدق وكانت فرحه مش قادر اوصفها . ساحكي هذه الملحمه لأبنائي واحفادي عن هذه الثوره الطاهره المغلفه بحب هذا الوطن (مصر) درع العرب واخيرا يستعيد الوطن العربي درعه .

نورا - مصر

1/24/2012 9:38:26 PM

انا نزلت التحرير يوم تنحى الرئيس المخلوع محمد حسنى مبارك شاركت بدعائى ان تنجه الامه من ظلم مبارك واعوانه

sayed mohamed eldreny - مصر

1/19/2012 6:59:16 PM

أكتب اليوم شهادتى على ماحدث خلال ثورة 25 يناير المجيدة أنا مواطن مصري من مصابين الثورة اسمي سيد الدريني واعمل محامي سوف ابدأ بسرد التفاصيل من صبيحة يوم 25 يناير 2011 يوم 25 يناير استيقظت فى الصباحً وكان يوم عطلة رسمية بمناسبة عيد الشرطة وانا على علم تام بأن هناك تظاهرة تم الدعوة لها على الفيس بوك ولكن لم أكن متحمساً ان اذهب لقناعتى اننا سنصبح على اقصى تقدير 200 متظاهر ويتم عمل كردون امنى لنا وهنتخطف واحد واحد حتى تفض ولن يوجد جديد نظراً لسلبية الناس فى الشارع وهم يشاهدوننا ولا يحركوا ساكننا حوالى الساعة 01:30 قلت أروح اشوف ايه النظام وارجع تانى .. ركبت المترو ووصلت محطة الأسعاف (جمال عبد الناصر) حوالى الساعة 02:00 واول ما طلعت لقيت مظاهرة عند دار القضاء العالى وحواليها كردون أمنى وواحدة تانية عند نقابة المحامين وبردة متكردنة .. المهم قربت شوية حتى اصبحت فى منتصف تقاطع شارع رمسيس وانا شايف أعداد مهولة من عساكر الأمن المركزى وقيادات أمنية بكثرة .. ومرة واحدة بلا مبالغة لقيت حواليا حوالى 300 واحد معرفش جم منين ولا جم امتى كان فى جرأة غريبة عند الناس اليوم دة ودة اللى خلاهم يتقدموا ويشاركوا وميقفوش بعيد يتستمتعوا فقط بسحل اخوانهم المتظاهرين ولقينا نفسنا كلنا بنهتف واعدادنا بتزداد بكثرة ودة كان مفاجأة للأمن المتواجد لأنهم مكردنين اماكن الوقفات واللى بيحصل فى نص الشارع والعربيات ماشية دة حاجة معرفوش يتصرفوا معاها بسرعة الأعداد ازدادت وبدأت الناس اللى عند دار القضاء العالى تنط من على السور وتنضم لينا واحنا ساعدناهم وشدينا العساكر من ورا واغلب المتظاهرين انضموا لينا واتجهنا ناحية التحرير حتى وصلنا لنقابة المحامين رحنا بأندفاعنا داخلين فى العساكر وفاتحين فجوة أدت لمرور أغلب المعتصمين من على سلم النقابة وانضمامهم لينا .. وفضلنا مكملين فى اتجاة التحرير ,, بس الصراحة الأعداد كانت كبيرة بشكل أول مرة أشوفة .. وكانت مفاجأة لأجهزة الأمن وكل الموجودين فهموا ان الامن ارتبك جامد وصلنا عند المتحف المصرى لقينا كردون من صف واحد من العساكر عند مدخل الميدان والواضح انهم مكنوش مستعدين فدخلنا فيهم بأندفاعنا ودة ادى لمرور حوالى 20 واحد وراحوا قفلوا الكردون تانى على اساس يقبضوا على اللى عدوا ويوقفوا الناس عند الحدود دة .. انا كنت من الناس اللى عدت رحنا من ورا العساكر ماسكينهم من هدومهم وشادينهم وشدين الحواجز الحديد والناس من الناحية التانية كانت بتزق واخترقنا الكردون دة اختراق كامل .. والناس من كتر الفرحة بقت بتجرى فى اتجاه مجلس الشعب لحد ما وصلنا عند شارع مجلس الشعب من شارع القصر العينى وهناك كان فى صفوف عساكر وحاولنا نخترقهم زى قبل كده بس اللى عدى ساعتها اتقبض عليه وحصل اشتباكات دامية هناك كانت من اكثر الاشتباكات دموية فى اليوم دة والامن اتعامل مع المتظاهرين ورجعهم ميدان التحرير انا رحت قعدت عند مدخل كوبرى قصر النيل وانا فاكر ان كده خلاص وكان يوم عظيم افوجئ ان كل عشر دقائق بلا مبالغة يعدى من جنبى مظاهرة جاية من ناحية كوبرى قصر النيل عددها حوالى من 100 - 200 متظاهر .. كنت مزهول .. والأعداد ابتدت تزيد والميدان اتملى بالناس ومنعوا عربيات الامدادات من انها تعدى علشان تدخل تساند الحتة بتاعة مجلس الشعب .. وكان اول مرة احس بعظمة الهتاف “الشعب يريد .. أسقاط النظام" الهتاف دة كان بيرج الارض الناس قررت تعتصم .. وقلنا لو حصل اعتصام والميدان فضل مقفول للصبح والناس وهى رايحة شغلها الصبح عرفت ان فى اعتصام والقاهرة اتصابت بشلل مرورى ساعتها حنبقى بنهدد عرش مبارك فعلاً انا حوالى الساعة 11 قررت اروح علشان اروح الشغل تانى يوم روحت وصحيت تانى يوم يومي 26 و 27 يناير أول ما صحيت فتحت التليفزيون واللى كنت خايف منه حصل فضوا الميدان بالقوة المفرطة قلت كده خلاص رحت الشغل وبدأت الدعوات تيجى بمظاهرات تانية وكلام هنا وهناك ان فى مظاهرات حصل هبوط حاد فى البورصة وكنت بشوف ظباط الامن المركزى والعساكر وظباط المباحث والمرور بيناموا على نفسهم عشان بقالهم كذا يوم فى الشارع من غير نوم كان هدفنا الرئيسى اننا ننهكهم خالص عشان يوم 28 يناير يبقوا خلاص بيتمنوا النوم ومش قادرين يطولوه " اليوم الأسطورة .. 28 يناير فى صبيحة هذا اليوم استيقظت فوجدت انقطاع تام للهواتف المحمولة المهم نزلت اشتريت 2 اسبراى اسود عشان الزجاج الامامى للمصفحات زى ما اخواتنا فى تونس نصحونا علي النت جهزت نفسى وحطيت الاسبراى فى شنطة صغيرة وخبيتة فى حالة حصل اى تفتيش ونزلت ركبت المترو وكالعادة الراجل وانا بقطع التذكرة قاللى محطة السادات مقفولة قلت انزل محطة جمال عبد الناصر كمان مقفوله اول محطة شغاله وقف فيها المترو احمد عرابي وبدأت الرحلة كل الشوارع مقفولة .. وكل ما ظابط يقولنا لأ الشارع دة مقفول ابتسم وابقى عارف ان فى الاف زى بيعملوا كده وحنتجمع فى الاخر وحصل فعلاً ولقيت نفسى مرة واحدة وسط 30 الف متظاهر .بشارع فؤاد ولاقيت ناس عمري ما تخيلت انهم يقفوا في مظاهرة وقفين أمام الأمن المركزي . وبدأت المعركة الشعب يريد اسقاط النظام قنابل مسيلة للدموع يا جمال قول لأبوك الشعب المصرى بيكرهوك وياسوزان قولى للبيه .. ربع قرن كفاية عليه قنابل صوت مسيل للدموع بغزارة الكمامات مش بتمنع حاجة واتخنقت كذا مرة وقلعت البروفر وغطيت به وشي من تحتي عشان مشمش القنابل خصوصا اني كنت امسك القنبلة بقماشة ورجعها لكتيبة الأمن المركزي تاني ومرة كانت هتطلع روحي من الريحة وعنيه فضلت 5 دقايق مش شايف حاجة الناس بتحدفلنا بصل وخل من البلاكونات والناس معاها بيبسى عشان العينين طب .. الشعب يريد اسقاط النظام عسكر عسكر عسكر ليه .. احنا ف سجن ولا ايه خرطوش وصوت ومسيل بالهبل الاعداد تتزايد بشكل مش معقول لما اللى فى المقدمة بيضرب عليهم ويدخلوا الحوارى الجانبية اللى ورا ميعرفش فى ايه قدام فبيكمل المسيرة والشوارع التانية بتتملى ناس وتبدأ المواجهات مع كتائب تانية من الامن المركزى "كلاب العرش" بدأنا نهدأ عند أذان العصر وناس رددت الأذان مع ان في جوامع مكنتش شغاله كان الصوت من مسجد واحد روحنا صلينا في وسط الشارع بالجزم وكأن الكتيبة اللي واقفه عند الأميريكين امام دار القضاء مصدقت راحوا سكتوا خالص وبعد الصلاة القي الضابط بيشاور لنا اهدوا اهدوا واحنا مش هنضرب بس ازاي احدنا هدفنا ميدان التحرير لاتراجع ولا استسلام وبدأنا من تاني نهتف كيلو العدس بعشرة جنيه .. ومتر مدينتى بنص جنيه سلمية سلمية قنابل مسيلة .. خرطوش .. قنابل صوت واحنا ولا هممنا اللي بيتعور بيربط الجرح ويكمل وفجأة لاقينا أكتر من 10 ألف متظاهر جايين من رمسيس علينا من ناحية عماد الدين الكتيبه اللي ورانا رجعت الأوبرا لما كلنا ابتدنا نحدف طوب مستحملوش يا ولدي والتانية جالها دعم الدوبل ودخلنا من شارع محمدفريد ويقابلنا من كل شارع ألوف مألفة والله حاجه متنسيش لما حساة ان مفيش حد في البيوت وكل ما نمشي ننده علي الناس من البلكونات انزل انزل والناس تنزل الشعب أراد الحرية من ضمن الناس اللي شوفتهم نزلوا راجل عجوز نازل ومعاه شاب يهتفوا ومعهم علم بلادي ادركت حيتها أن الوقت قد حان لفرض كلمة الشعب وأننا منتصريين لا محالة و فى احدى تلك الشوارع اللى بتطلع على ميدان طلعت حرب قبل ميدان التحرير حصل نفس الحكاية هتافات .. ضربوا علينا مسيل للدموع وخرطوش دخلنا زقاق جانبى طلعنا على شارع تانى بيطلع على ميدان طلعت حرب .. البهايم مش قافلين الشارع دخلنا الميدان وبقينا ورا الكتيبة اللى كانت لسه بتضربنا والكتيبة لسه قدامها الاف بتضرب فيهم هجمنا عليهم زى الاسود .. سلمية سلمية الظابط ساب العساكر وجرى بأقصى سرعة .. الكلب ساب جنودة وسط المعركة العساكر سلمت نفسها .. واضربوا شوية طبعاً بس محصلش اى اراقة دماء واتسابوا مش ذي ماعملوا في ذميلنا ووكالة الشرق الأوسط والأمن اللي واقف علي بابها يشهد كام مصاب دخلناه عندهم عشان احنا اللي نعالجه محنا كان معانا دكاترة شباب زينا بيحبوا بلادهم وكانوا معاهم شنطة الاسعافات الأولية وقطرات الغاز المهم دخلنا ميدان طلعت حرب بأعداد لا يمكن تخيلها تملأ الميدان والشوارع المحيطة قعدنا شوية نرتاح كانت الشمس غربت لأ مش عايزين الناس تريح وصلينا المغرب في شارع قصر النيل بردوه علي الأسفلت وشوية اقدمنا بيحمونا وبعد الصلاة قمنا هتفنا .. الشعب يريد رحيل النظام الناس هتفت .. صوت الشعب بيهز الارض وبدات الرحلة اللى التحرير الشعب يريد اسقاط النظام سلمية سلمية طلعنا الميدان لقينا عند مدخل عبد المنعم رياض كتيبة امن مركزى جريت وجيت عندهم ورحت قاعد على الارض جه ورايا حوالى 10 افراد وقعدنا كلنا على الارض وبنقول للظباط مش حنتحرك الناس ابتدت تتجرأ وتطلع الظباط حسوا ان الوضح حيخرج عن السيطرة ابتدا ضرب قنابل الصوت فينا عشان نرجع الضرب اشتد .. تهديد مباشر بالقتل اذا لم نتراجع مع باقى الناس رجعت الكتيبة شوية وضربت مسيل للدموع وخرطوش اضطرينا كلنا نرجع كانوا شارعين بيطلعوا على نفس الحتة عند المتحف بدأنا الرحلة تانى الشعب يريد اسقاط النظام طلعنا مفيش امن مركزى .. الحياه حلوة فجأة ضرب عنيف .. عشرات القنابل المسيلة للدموع والخرطوش والرصاص الحى ابتدى كتيبة جاية تجرى علينا الناس انسحبت تانى فى الشارع طلعنا تانى حصل نفس الموقف تانى الكتيبة بتروح تصد فى حتة تانية وترجع تصد عندنا فهمنا ان عددهم قليل صوت ضرب رهيب من اتجاه كوبرى قصر النيل الناس اتجرأت اكتر ألسنة اللهب تتصاعد من مبنى الحزب الواطى الحماس ازداد هجمنا كالأسود الشعب يريد اسقاط النظام حررنا الميدان بتاعنا هجوم ضارى على الامن فى شارع القصر العينى الناس بتخبط على السور الحديد لأحداث رعب فى قلوب العساكر المنهكة اصلاً تم حصر الامن فى شارع القصر العينى المتظاهرين الأسود حصروا الامن فى شارع القصر العينى من الخروج للميدان طائرة هليكوبتر تحلق فوقناً بدأ الجيش يمد الامن المركزى بالعدة والعتاد بالاضافة لأمدادات لحماية السفارة الامريكية والبريطانية تم اعتراض سيارة جيب جيش بعد ساعة جت الدبابات والمدرعات وحاملات الجنود مرة واحدة سألناهم: انتم معاناً ولا لأ لانكم لو مش معانا مفيش مشكلة ,, انتم شايفين عملنا ايه فى الأمن المركزى انتم مش حتاخدوا فى ايدينا غلوة قالولنا: احنا لابسين اللبس دة عشانكم الغريب ان كلهم معاهم كمامات المهم : ابتدى الضرب !! انشغالنا مع الجيش خلى كتيبة الامن اللى فى شارع القصر العينى تطلع وتضرب بعنف واحد جنبى رصاصة جت فى دماغة فجرت دماغه بدأت بعد هذ المنظر احدف الطوب بطريقة هستيرية وانا أقول يا كفرة وكنت ابكي من كثرة المصابين من تلك الكتيبة التي استخدمت كل الأسلحة لتفريقنا ولاقيت الجيش لبس الكمامات ودخل جوة مدرعاتة واتجه ناحية كتيبة الأمن المركزى فهمت بعد كده ان الامن المركزى اللى فى الشارع كان مقطوع عنه الاتصالات فالظاهر معرفوش ان الجيش وصل وطمنة شوية بعد دخول الجيش ثم فجأة أحسست بشىء اخترق عيني اليمني فجلست علي الأرض وأنا متماسك أسأل زميلي ايه اللي في عيني فهو يقولي دي بتنزل دم روح علي المستشفي ورا المستشفي الميداني جوه الجامع وأنا أقولو شايف حاجة في عيني انا مش شايف بها خلص انا حاسس انها اصفت يا ولاد الكلب وبدات اضرب وانا عيني بتنزف لحد ما دوخت ووقعت فسندني واحد من المتظاهرين ودخلني المستشفي وبعدين واحد خدني علي موتوسكيل وخرجني بره الميدان وروحت المستشفي ومفيش علاج للعين احمد ماهر تقول مفيش دكاترة عيون الحسين الدكاترة هتيجي الصبح عشان انته محتاج عملية كل مستشفي يسألوك انته مصاب في الميدان عشان موقفين واحد من الامن ولما الناس المصابين عرفوا شوفت بتاع الامن اللي مش عارف ده امن دوله ولا مباحث وهو بيطحن من اهالي الناس في المستشفي واخيرا روحت مستشفي خاصة بمساعدة بعض اصدقائي وعملت عملية بعد ساعتين من الدخول حوالي الساعة 11 مساء لوقف نزيف العين التي انفجرت بطلقات الخيانة بايدي كلاب العرش ونزلت الميدان علي فترات بعد ذلك وانا افقد نور البصر بعيني اليمني حتي اضاءت من جديد يوم رحل الكلب العميل مبارك احسست يتفاهة ما قدمت لاجل خلع هذا الجبار امام دماء اخواني الشهداء ولم أسعد مثلما سعدت يوم رحيل الطاغية مبارك وأحسست ان عيني لم تذهب هباء وانا الأن سعيد لأني ساهمت بشىء وفديت بلدي بجزء من حواسي فهذا فخر لي والحمد لله وهكذا يظل يوم 28 يناير 2011 يوماً خالداً فى ذاكرة الوجدان المصرى .. فهو اليوم الذى استطاع فيه هذا الشعب الأبى ان يحطم القيود التى حاولت الأنظمة وعلى مدى عقود ايهامنا بأننا لا نستطيع إلا ان نرضخ لرغبة الحاكم المستبد .. ولكن جاء الرد سريعاً ومباغتاً وكعادة هذا الشعب العظيم الذى يصمت عن قوة فإذا تكلم كانت نتيجة كلامة تدمير أقوى جهاز أمن داخلى فى تاريخ الأنسانية فى ست ساعات تحية تقدير وأعتزاز لهذا الشعب العظيم ولشهداء ومصابي تلك الثورة البيضاء الذين قدموا دمائهم فداءاً من أجل الحرية سيد محمد الدريني المحامي

محمدابوزيدمحمد - مصر

11/19/2011 12:48:56 AM

يوم25 كنت رايح شغلى و عديت على ميدان التحرير وناسى موضوع المظاهرة دة والصورة كانت كالتالى.. ميدان التحرير شوية ظباط قاعدين امام محطة متروة الانفاق وممنوع سير السيارات والناس للاتجاة الى الميدان وظهرت واحدة شكلها محترم ومصممة تعدى وفعلان عدت والعسكرى مش عارف يوقفهاوسعتها قام الظابط وقال للعسكرى هات بنت ..كذة دة هنا لما شفت هذا المنظر تذكرت حينها كل مخزون السخط والقرف من رجال الشرطة والنظام الفاسد. المهم عديت عن طريق نفق المترو وصلت الى اول شارع طلعت حرب نظرت الى الميدان فى حسرة ويائس من وجود متظاهرين ألا اذا نزلو من السماء ولحظات متظاهرين قادمين من عبدالمنعم رياض وامامهم كتيبة من الامن المركزى وكنت اناوغيرى من الناس نقف و نشاهد كالعادة من بعيد ما يحدث. ومن بين المتظاهري ظهر بعض الشباب يلوح لنا بلنزول معهم قائل لنا ان هذا لمصلحة الشعب المصرى كلة ويجب ان ننزل معهم وكفانا سلبيا واخذا الناس ينظرون الى بعضهم ويبتسمون فى تهكم على المتظاهرين قائلين همايعنى هيعملواية وفى هذة اللحظات وجدت نفسى فى مواجهةنفسى ان اكون ايجابيا وانزل معهم او الاستسلام للكلمة المشهورة مفيش فايدة لاكن كلمات المتظاهرين كان تاثرها اقوى ونزلت معاهم ولاول مرة امشى فى مظاهرة لدرجة لم اكن قادر على الهتاف كاننى اخرس وبعدلحظات خرج الهتاف من فمى على استحياء وبعدلحظات اخرى وجدتنى اصرخ باعلا صوتى وشعرت حينهاان سنوات الظلم والفساد تخرج من جوفى مع كل صرخة تخرج من فمى.وفى يوم28 صليت الجمعة وفى هذة المرة كنت اعرف هدفى والى اين انا ذاهب ذاهب الى حلمى واملى الى عزتى وكرامتى الى محبوبتى مصر التى تنتظرنى فى ميدان التحرير وفى طريقى الى الميدان وجدت اهل مصر جميعا ملبين نداء محبوبتنا فى ميدان التحرير ولكن الامن المركزى كان دائما فى طريقنا يمطرونا بقنابل المسيلة للدموع ولاول مرة اراة دموعى تنزل بلا توقف وحرقان شديد داخل العين.وكانت نفسى تحدثنى اننى فعلت ما فى وسعى واترك غيرى يكمل المشوار وكلما هممت ان اغير اتجاهى عائدا الى البيت اجد امامى صورة مبارك وعصابتة وسنوات القهر والظلم والفساد فاعود مرة اخرى الى المواجهة وهكذة مرات عديدة ثم لحظت شيئا رائعا لم الحظة فى خضم الاحداث الا وهى الصورة الحقيقية للشعب المصرى العظيم وهى رجال وشيوخ ونساء واطفال رجال يكافحون ويخاطرون بانفسهم بمواجهة قنابل وعصى الامن المركزى ونساء فى انتظارهم بزجاجات الخل لوضعهها على عيونهم بدون ان يعرف بعضهم البعض ولكن الجميع يعرفون ماذا يريدون .الا وهو الوصول الى مصر الحبيبة التى تنتظرونا فى ميدان التحرير.

سامى عزازى - مصر

11/14/2011 8:25:38 PM

صليت الجمعة فى مسجد سيدنا / عمرو بن العاص رضى الله عنه يوم جمعة تخلى الرئيس السابق عن الحكم واتذكر فى اثناء خطبة الجمعة دعاء فضيلة الدكتور / اسماعيل الدفتار اذ يقول فضيلته ضمن فقرات الدعاء * اللهم ازيح هذه الغمة عنا * فبل ترك الرئيس السابق كرسى الحكم وقد استجاب الله سبحانه وتعالى الدعاء ثم توجهت بعد الصلاه الى ميدان التحرير وحملت علم مصر واخذ يرفرف وسط جموع الشباب ومن الذكريات التى لا انساها ان احد الرابضين بجوار عجلات دبابه امام المتحف المصرى طلب منى الهتاف فهتفت * عاش الجيش المصرى * فرد على الجندى الواقف على الدبابه التحية . وفى عصر ذلك اليوم التاريخى توجهت الى مقهى بجوار ميدان التحرير فى شارع شامبليون لكى استريح والتقط الانفاس وجلست مع مجموعة من الشباب الذين شاركوا فى ثورة 25 يناير منذ بدايتها واثناء جلوسى مع هؤلاء الشباب اذاع نائب الرئيس السابق / عمر سليمان بيان تخلى الرئيس السابق عن الحكم وكانت فرحة كبيرة وسط جموع الشباب واخذوا ياخذوا بعضهم البعض بالاحضان ولا انسى مطربة مصر الجميلة / شاديه وهى تغرد * يا حبيبتى يا مصر * والشباب يتمايلون على نغمات هذه الاغنية الرائعه . بعد بيان التخلى تدفقت امواج من البشر الى ميدان التحرير لا يحصاها الا الله سبحانه وتعالى وكانت ليلة وصفتها انذاك بانها * عيد كبير * ومن الشخصيات العامة التى شاهدتها فى تلك الليلة * الفنان * عمرو واكد * وعضو ناصرى من اعضاء مجلس الشعب من بلطيم محافظة كفر الشيخ.

طارق نور - مصر

10/5/2011 11:22:20 PM

انا طالب ف 3 ثانوى عام ولم يكن لى اهتمام بالسياسه لكنى كنت اهتم بدروسى فقط. لكن يشاء القدر ان اشارك ف الثوره دون قصد وذلك حينما كان لدى درس انكليزى هام يوم جمعه الغضب ومع وجود المظاهرات لكنى صممت ع الذهاب وهنا حدث مالم يخطر ع البال. ذهبت ف الطريق الى الدرس ووجدت مدرعات ع اول الطريق ولم اخاف وكملت طريقى بثقه لانى كنت اعزل وليس بيدى سوى كتاب وادوات دراسيه ولا ابدو كثورجى او بلطجى لكن للاسف لم يرحمنى رجال الامن المركزى وفوجئت باحدهم يصوب سلاحه نحوى ويطلق الغاز المسيل للدمووع و هربت منهم بأعجوبه ورجعت بيتى. هناك .. جلست ف غرفتى افكر.. كيف اكون طالب علم ويحدث لى هذا مع انى لم ارفع ولو حجرا ف وجههم ولا ابدو ولو متمرد حتى. ومنذ هذه اللحظه ادركت تماما ان مصر ضائعه و كلها فساد. فبدأت اكتب من رأسى واعبر بقلمى عن مشاعرى ضد هذا النظام وقمت بعمل تراكين - لانى بغنى راب - .. ف النهايه اتمنى ان تكتمل الثوره ونخطوا معا للامام نحو الحريه وحياه افضل من اجل الاجيال القادمه.

ايمن فهمى - مصر

9/6/2011 10:19:56 AM

اننى من الذين نزلوافى الثورة ولم نريد الشهرة كما يفعل الكثير لان الله هو الشاهد على من تعرض للاخطار من اجل حب مصر وهناك صورلى واخرون فى وكالات انباء عالمية وكان معناضابط بالجيش برتبةملازم حملناه على الاعناق وظل يهتف دون خوف وهو يرتدى البدلةالعسكرية وكانت هناك كثيرمن الفتيات التى لايريدون الصور فهؤلاء ابطال الظل

تابع وشارك ثورة 25 يناير على صفحتك في فيسبوك وتويتر الآن:

شباب الثورة

ثورة 25 يناير

شباب ثورة 25 يناير

شباب الثورة المصرية

الشباب وثورة 25 يناير

موقع شباب الثورة

الشباب بعد ثورة 25 يناير

خالد مزياني

شباب الثوره

شباب الثورة 25 يناير

كتاب عن ثورة 25 يناير

25 يناير

شباب 25 يناير

الشباب والثورة

كتب عن ثورة 25 يناير

قصة قصيرة عن ثورة 25 يناير

25 january revolution

موقع شباب الثورة المصرية

مهندس - محمد الزكى محرم

دور الشباب فى ثورة 25 يناير

ثورة شباب مصر

شباب ثورة 25

شباب ثوره 25 يناير

قصة قصيرة غن ثورة25 يناير

صالح عينر

شباب ثورة 25يناير

تعبير عن ثورة 25 يناير باختصار

تعبير عن ثورة 25 يناير قصير

صور شباب الثوره

شهداء ثورة 25 يناير

من هم شباب ثورة 25 يناير

تعبير عن ثورة 25 يناير قصير جدا

الشباب ثورة

المواقع الألكترونية لشباب ثورة 25 يناير

اخبار شباب الثورة المصرية

شباب ثورة مصر

ثورة الشباب

revolution 25 january.com

نبيل بدر

المعلم وثورة 25 يناير

المصدر لتجارة السيارات نابلس

قصة قصيرة عن 25 يناير

سيارات للبيع في الجزائر

الشباب فى ثورة 25 يناير

شعر لوم وعتاب مصرى

شباب مصر بعد الثورة

شباب ثورة

قصه قصيره عن ميدان التحرير من بدايه ثوره 25 يناير

شباب ثورة يناير

بحث عن الشباب فى مصر بعد ثورة يناير